Foras na Gaeilge

baile»foras na gaeilge»seirbhísí corparáideacha

Seirbhísí Corparáideacha | Corporate Services

Misean
Ról
Freagrachtaí
An Fhoireann
Réimsí Oibre
Sonraí Teagmhála

Misean

"A chinntiú go n-eagrófar an eagraíocht ar bhealach éifeachtach réidh".

Is í an rannóg seo atá i gceannas ar an bpróiseas maidir le pleanáil chorparáideach an Fhorais. I measc na bhfreagrachtaí atá ar an rannóg tá pleananna fadtéarmacha agus gearrthéarmacha a ullmhú chomh maith le tuarascálacha bliantúla a chur ar fáil. Tá an rannóg i gceannas ar chúrsaí taighde an Fhorais freisin. Chomh maith leis seo, is é ról na rannóige seo ná seirbhísí riaracháin agus tacaíochta a chur ar fáil taobh istigh d’Fhoras na Gaeilge chomh maith le bainistíocht éifeachtach a dhéanamh ar phróisis airgeadais, acmhainní daonna agus T.F.

Freagrachtaí

Feidhm éifeachtach pleanála corparáide a fhorbairt taobh istigh d'Fhoras na Gaeilge lena n-áirítear pleananna aonad gnó, cláir oibre, buiséid agus tuarascálacha bliantúla, chomh maith le pleananna corparáideacha.
Forbairt a dhéanamh ar tháscairí oiriúnacha feidhmithe le tacú leis an bpróiseas pleanála.
An clár taighde a stiúradh agus a eagrú.
Bainistiú a dhéanamh ar chúrsaí airgeadais Fhoras na Gaeilge ar bhealach atá seasmhach leis an Meamram Airgeadais, rud a chiallóidh go mbeidh tacaíocht iomlán á tabhairt d’imeachtaí na rannóg eile.
Seirbhís éifeachtach acmhainní daonna a chur ar fáil do bhainistíocht agus d’fhoireann Fhoras na Gaeilge a chlúdaíonn réimsí eagsúil ar nós earcaíochta, traenála agus fhorbairt na foirne.
A chinntiú go bhfuil forbairt, treisiú agus cothabháil reatha á ndéanamh ar na córais T.F. chuí i bhForas na Gaeilge.