Na ceanneagraíochtaí Gaeilge
Séard atá sna ceanneagraíochtaí Gaeilge, ná na príomh-eagraíochtaí a bhíonn maoinithe ag, agus ag obair go dlúth le Foras na Gaeilge maidir le sé mór-réimse de chur chun cinn na Gaeilge. Tá seirbhísí éagsúla á gcur ar fáil ag na heagraíochtaí seo uilig, agus is fiú go mór cuairt a thabhairt ar a gcuid suíomhanna d’fhonn fáil amach más féidir leo cuidiú leatsa ar do thuras teanga!
| Ceanneagraíocht | Mór-réimse Oibre |
| Gaeloideachas | Gaeloideachas/tumoideachas agus réamhscolaíocht lán-Ghaeilge |
| Gael-Linn | Oideachas in earnáil an Bhéarla agus d’aosaigh, agus deiseanna úsáide do dhaltaí scoile |
| Glór na nGael | Forbairt pobail agus eacnamaíochta |
| An tOireachtas | Deiseanna a thacaíonn le húsáid na Gaeilge agus le bunú gréasán do dhaoine fásta |
| Conradh na Gaeilge | Ardú feasachta, cosaint teanga agus ionadaíocht (thar ceann na teanga le húdaráis stáit) |
| Cumann na bhFiann | Forbairt deiseanna úsáide Gaeilge agus gréasán do dhaoine óga |