5 Chineál Áis ó Gaeloideachas a bhaineann le Riachtanais Speisialta Oideachais

Is é fís Gaeloideachas ná go mbeidh fáil ag gach tuismitheoir agus caomhnóir ar oideachas lán-Ghaeilge ar ard-chaighdeán. Tacaíonn muid le naíonraí agus scoileanna ina gcuid oibre le bheith ionchuimsitheach agus freastal cuí a dhéanamh ar gach páiste, cuma cé na riachtanais oideachais atá acu.

Tá réimse áiseanna agus acmhainní chun tacú le páistí a bhfuil riachtanais speisialta oideachais acu, a dtuismitheoirí, agus a múinteoirí forbartha ag Gaeloideachas i gcomhpháirt le AsIAm agus Middletown Centre for Autism. Is féidir teacht ar na hacmhainní uilig seo agus áiseanna eile a bhaineann le riachtanais speisialta oideachais ar www.gaeloideachas.ie. Seo cúpla sampla:

1. Físeáin
   • Roinneann scoileanna agus tuismitheoirí a dtaithí le riachtanais speisialta oideachais sa chóras oideachais lán-Ghaeilge san fhíseán seo.
   • Físeán ar an disléicse agus foghlaim na Gaeilge
   • Conas tacú le daltaí a bhfuil uathachas orthu sa chóras lán-Ghaeilge agus Ghaeltachta – seimeanáir do thuismitheoirí

2. Bileoga Eolais do Thuismitheoirí
   • Ag Tacú le do Pháiste: Oideachas lán-Ghaeilge agus Riachtanais Speisialta Oideachais, leabhrán eolais do thuismitheoirí agus cúramóirí.
   • Daltaí a bhfuil Disléicse orthu i Scoil lán-Ghaeilge: Comhairle do Thuismitheoirí.

3. Ag Ullmhú don Scoil
   • Pas réamhscoile forbartha le AsIAm 
   • Sceideal: Mo Mhála Scoile a Phacáil, forbartha le Middletown Centre for Autism 

4. Gníomhaíochtaí don Nollaig (forbartha le Middletown Centre for Autism)
   • Sosanna Gluaiseachta
   • Smaointe Lego 
   • Bord Leadráin

5. Suíomh Gaeloideachas
   1. Rannóg RSO 
   2. Rannóg ar an Uathachas
   3. Rannóg ar an Disléicse

Is féidir teacht ar gach acmhainn a bhaineann le RSO sa leabharlann ar shuíomh Gaeloideachas.

Beidh Comhdháil ar Riachtanais Speisialta Oideachais á reachtáil ag Gaeloideachas i bpáirt le COGG in Óstán Pháirc an Mhuilinn Chearr, Co. na hIarmhí, ar 24 Samhain. Beidh réimse leathan cheardlann ar siúl do mhúinteoirí agus príomhoidí bunscoile agus iar-bhunscoile. Gach eolas ag gaeloideachas.ie/comhdhail-rso/

Tá liosta ríomhphoist ar leith ag Gaeloideachas do thuismitheoirí, agus nuachtlitir ar Riachtanais Speisialta Oideachais freisin. Más maith leat tuilleadh eolais, nuacht, agus acmhainní a fháil, cláraigh anseo.