Scéim Tacaíochta Gnó 2024
- Lá
- Uair
- Nóim
Tacaíonn an scéim seo le fiontair thrádála bheaga agus mheánmhéide an Ghaeilge a chur chun cinn ina ngnólachtaí trí chomharthaíocht, pacáistíocht, suíomhanna gréasáin agus ábhar margaíochta clóite. Beidh gnólachtaí incháilithe i dteideal suas go 50% den chostas iomlán a lorg tríd an scéim seo.
Mar bhlaiseadh ar ghnólachtaí eile a úsáideann Gaeilge mar uirlis mhargaíochta, féach ar shamplaí atá ar X (Twitter) agus ar YouTube
Tá an buiséad don scéim seo teoranta. Glacfar agus déanfar measúnú ar iarratais go dtí go bhfuil an ciste caite.
Tabhair faoi deara, mar thoradh ar Rialachán Ginearálta Eorpach maidir le Cosaint Sonraí (RGCS) ní féidir le Foras na Gaeilge a thuilleadh plé le tríú páirtithe, agus beidh gach teagmháil le hiarratasóirí amháin, mar a bhaineann le gach iarratas.
Le tuilleadh eolais a fháil agus le fáil amach an bhfuil do ghnólacht i dteideal maoiniú a fháil faoin scéim seo, déan teagmháil le Áine Ní Ifearnáin ag +353 1 6398463 nó cuir ríomhphost chuig stg@forasnagaeilge.ie.
Más mian leat iarratas a dhéanamh, léigh an seicliosta thíos roimh ré agus seol na trí cáipéisí seo a leanas ar ríomhphost chuig stg@forasnagaeilge.ie.
- Foirm iarratais
Léigh an fhoirm iarratais ina hiomláine go cúramach, comhlánaigh gach cuid di agus sínigh an conradh ar an leathanach deiridh. Tá an fhoirm iarratais le híoslódáil ón nasc thíos.
- Dréachtchóip den dearadh agus an fhoclaíocht mholta
Cuir faoi iamh leis an bhfoirm iarratais dréacht den dearadh leis an bhfoclaíocht mholta mar atá ullmhaithe ag dearthóir gairmiúil. Is féidir leas a bhaint as na háiseanna agus seirbhísí tacaíochta saor in aisce seo nuair atá dréachtchóip á hullmhú:
- Seirbhís foclóireachta agus téarmaíochta
- Seirbhís aistriúcháin ar phíosaí gearra de théacs (suas go 50 focal): seol ríomhphost chuig freagra@ling.ie
- Liosta d’aistritheoirí creidiúnaithe (i gcás téacs fada a bheidh le haistriú)
- Meastacháin
Cuir leis an bhfoirm iarratais fosta, na meastacháin agus dearthóir nó ó sholáthraithe eile. Beidh tú i dteideal suas 50% den chostas iomlán a lorg tríd an scéim seo.
Cuir faoi iamh meastachán nó meastacháin le haghaidh chostas iomlán an tionscadail.