An Foras Teanga Thuaidh/Theas – Scéim Comhionannais

Faoi Mhír 75 d’Acht Thuaisceart Éireann 1998, tá dualgas ar an bhForas Teanga (atá comhdhéanta d’Fhoras na Gaeilge agus de Ghníomhaireacht na hUltaise) Scéim Comhionannais a ullmhú le faomhadh ag Coimisiún Comhionannais Thuaisceart Éireann.

Faoin Mír sin, ceanglaítear ar fhorais phoiblí, le linn dóibh a bhfeidhmeanna maidir le Tuaisceart Éireann a chur i bhfeidhm, aird mar is cuí a thabhairt ar an ngá leis an gcomhionannas deiseanna a chur chun cinn agus aird a thabhairt ar a inmhianaithe atá sé an dea-chaidreamh a chur chun cinn i réimse catagóirí mar a shonraítear san Acht.

Tá athbhreithniú á dhéanamh ar an obair sin faoi láthair (fómhar 2024) agus foilseofar tuilleadh eolais anseo go luath maidir le comhairliúchán poiblí faoin Scéim Comhionannais.