Torann aisteach. Tiúilipí goidte. Madra ar iarraidh. Boladh bréan. Níl aon chás róbheag ná rómhór don Cheathrar. An leabhar nótaí agus an ceamara faoi réir, ar aghaidh leis na bleachtairí beaga ar lorg leideanna. Ní mór don Cheathrar a bheith seiftiúil agus gach uile chás á fhiosrú. Le chéile tiocfaidh siad ar réiteach…
Is luchóg bheag é Seán. Níl rud ar bith a thaitníonn leis níos mó ná socrú síos ina nead agus codladh mór maith a dhéanamh. Ní mó ná sásta a bhíonn sé, mar sin, nuair a thagann cuairteoir isteach sa stábla gan choinne i lár na hoíche. An mbeidh Seán ábalta codladh na hoíche a fháil sa deireadh thiar thall? Scéilín deas is ea Suaimhneas sa Stábla agus é bunaithe ar na heachtraí a thit amach i stábla i mBeithil ar an gcéad Oíche Nollag. Leabhar a oireann go seoigh don chomhléitheoireacht idir tuismitheoirí agus leanaí 6 bliana agus os
Tá athchló á chur ar na leabhair seo faoi láthair. Beidh siad ar fáil arís sna siopaí in Earrach 2023 Sraith leabhar do naíonáin, BABAÍ BEAG. Is maith an teist ar fheabhas an chéad dá leabhar sa tsraith seo (Bia, Dathanna) gur cuireadh athchló orthu den dara huair. Mar sin is áthas linn a fhógairt go bhfuil 4 theideal nua curtha leis an tsraith anois – Dathanna, Splais! Bia Blasta agus Seo Linn! Leabhair cairtchláir ildaite le léamh ag tuismitheoirí do naíonáin. Cabhraíonn spreagadh físeach sa luathshaol le forbairt an linbh agus sna leabhair seo baintear úsáid as dathanna ardchodarsnachta
Ó bhó! Cad a dhéanfaidh na beacha nuair a scriostar an choirceog orthu? Agus cé hé an ‘bithiúnach lofa’ a rinne an dochar? Beidh ar Mhamó agus a comrádaithe beaga an scéal a réiteach gan mhoill nó baileoidh na beacha leo! Oh no! What will the bees do when their hive is destroyed? And what ‘rotten villain’ is responsible? Mamó and her little companions will have to act quickly or the bees will leave for good!
Téacs & Trialacha 3 O.D. Morris, Paul Cooke, Paul Behan Matamaitic na hArdteistiméireachta, an Gnáthleibhéal; Snáitheanna 1-5 Scríobhadh Téacs agus Trialacha 3 go speisialta chun freastal ar dhaltaí a bheidh ag gabháil do Mhatamaitic na hArdteistiméireachta ar an nGnáthleibheál. Is é atá san eagrán nua seo de Téacs agus Trialacha 3 ná eagrán iomlánaithe den leabhar a foilsíodh in 2013. Tá caibidil bhreise san eagrán seo, is é sin, Caibidil 19 Staitisticí Infeireacha. www.cogg.ie Féach suíomh gréasáin COGG mar a bhfuil fáil ar leagan PDF de Téacs & Trialacha 3 chomh maith le leagan Pdf de na téacsleabhair eile sa
An Pholaitíocht agus an tSochaí i dTuaisceart Éireann, 1949-1993
Francis T. Holohan Is é atá sa téacsleabhar seo ná An Pholaitíocht agus an tSochaí i dTuaisceart Éireann, 1949-1993, arb é Rogha 5 é sa Réimse Staidéir Staire Stair na hÉireann, 1815-1993 i Siollabas na hArdteistiméireachta. Is leagan Gaeilge é ar Politics and Society in Northern Ireland, 1949-1993. Tá sé leagtha amach sa chaoi go bhfuil sé éasca le léamh. Tá aibhsiú déanta sa téacs ar Eochairphearsana, ar Eochairchoincheapa agus ar Chás-Staidéir. Tá Gluais chuimsitheach Gaeilge-Béarla i gcúl an leabhair agus i mbun na leathanach. PDF – tugtar nasc ANSEO le teacht ar leagan Pdf den téacsleabhar seo agus de
Tatyana Feeney Gradaim Leabhar Chumann Litearthachta na hÉireann – ainmníodh an leabhar seo ar ghearrliosta an Chumainn anuraidh. Cliceáil ar an íomhá le teacht ar a thuilleadh eolais. Ceann de cheithre leabhar gleoite ó pheann Tatyana Feeney ina n-insítear scéalta barrúla faoi rudaí a dhéanann páistí óga. Tugtar thíos teideal na leabhar eile sa tsraith.
Tá an saothar seo ar na leabhair is cáiliúla dár scríobhadh i nGaeilge faoi aimsir Chogadh na Saoirse. Rianaíonn an t-údar a shaol mar bhall de Bhráithreachas na Poblachta mar Óglach agus na heachtraí a raibh sé páirteach iontu le linn Chogadh na Saoirse i gConamara agus in áiteanna eile chomh maith leis na sealanna a chaith sé i ngéibheann. Tá cur síos ann chomh maith ar dhálaí maireachtála agus sóisialta mhuintir Chonamara i dtosach an fichiú haois agus ar an obair a rinne sé mar thimire do Chonradh na Gaeilge. Rugadh an t-údar i Ros Muc sa bhliain 1887
Leabhar álainn é seo ina gcuirtear na focail i láthair an pháiste ar bhealach spraíúil. Tá neart le feiceáil sa bhaile mór! Beimid ag faire amach do na feithiclí móra, ag breathnú sna siopaí agus ag spraoi sa pháirc.
Is cailín cliste cairdiúil ciúin í Úna, atá ag fágáil slán leis an bhunscoil. Is fada le hÚna go mbeidh sí féin agus a CGD (cara go deo), Áine, imithe chun na meánscoile agus ar shiúl ón mhúinteoir a bhí acu ar feadh na mblianta, Brian Mac an T-Rex. Idir mháthair a chuireann náire uirthi, shioráif scoile, agus timpeallacht dhifriúil, tagann athrú mór ar shaol Úna nuair a bhogann sí chun na meánscoile. Idir shúgradh agus dáiríre atá an scéal spleodrach seo faoi na fadhbanna a d’fhéadfadh teacht sa bhealach ar dhuine óg ag tráth íogair ina saol.
Cnuasach Aistí Gníomh dóchais agus misnigh a bhí i mbunú an Ghúim in 1926. Bhí droch‑chaoi ar an tír agus créachtaí an Chogaidh Chathartha fós ag déanamh braoin, ach ba mheabhrú é ar a thábhachtaí a bhí an Ghaeilge sa stát nua bunú na scéime chun ábhar léitheoireachta Gaeilge a chur ar fáil don phobal ag an am. Mar chomóradh ar nócha bliain a bhunaithe reáchtáladh comhdháil lae ar an nGúm i mí Dheireadh Fómhair 2016 i gColáiste na hOllscoile, Baile Átha Cliath. Tá téacs iomlánaithe na gcainteanna a tugadh an lá sin ar fáil anois sa chnuasach aistí seo.
Bronntanas breá samhraidh is ea Gairdín Mháire na mBláth, an saothar is déanaí ó Tatyana Feeney. Leabhar aoibhinn álainn é seo a chuirfidh gliondar ar an té a léifidh é. Scéal cairdis agus comhluadair is ea Gairdín Mháire na mBláth. Feiceann Máire na mBláth lá amháin nach bhfuil aon bhláthanna ag fás sa scoil áitiúil. Socraíonn sí dul chun na scoile agus cabhrú leis na daltaí gairdín scoile a chur. Oibríonn sí féin agus na páistí as lámha a chéile agus cuireann siad gairdín breá ag fás taobh leis an scoil. Ach cad faoi ghairdín Mháire féin? Níl cuma rómhaith
SÉIDEÁN SÍ – Úrscéal nua don chlár léitheoireachta do pháistí sna hardranganna. Níl dúil ar bith ag Dáibhí Ó Dalaigh sna scéalta traidisiúnta ná sna piseoga. Dar leis, níl sna scéalta faoi Naomh Gobnait agus an Gadaí Dubh ach seafóid. Ach braitheann Dáibhí draíocht dhomhínithe éigin agus é ar strae tráthnóna dorcha i dTeampall Naomh Gobnait. An eol don Ghadaí an choir atá déanta ag Dáibhí? An bhfuil fírinne ag baint leis na piseoga? Trácht sna meáin faoin leabhar: Nós.ie The Corkman
Leagan nua véarsaíochta de scéal Chochaillín Dearg atá sa leabhar seo. I riocht dráma atá sé curtha i láthair agus beidh sé an-oiriúnach le léiriú mar dhráma ranga. Tá liosta suimiúil carachtar ann móide treoracha soiléire ón údar maidir lena chur ar stáitse ar bhealach simplí samhlaíoch. Duine de mhórúdar saothar do dhaoine óga í Áine Ní Ghlinn. Ceapadh ina Laureate na nÓg í in 2020. The story of Little Red Riding Hood retold in verse and presented in the form of a drama that could be staged in a primary school setting.
Is fada an lá ó thosaigh an file Gabriel Rosenstock ag plé le healaín an haiku. Tugann sé léargas suimiúil spraíúil dúinn sa leabhar gleoite seo ar dhomhan iontach an haiku. Ar an aos óg á an saothar dírithe ach bainfidh idir óg agus aosta sásamh as go cinnte.
Bairbre Ní Chuanaigh a scríobh Sheena Dempsey a mhaisigh
Éist anseo le húdar na leabhar seo agus í faoi agallamh ar an glcár Iris Aniar ar Raidió na Gaeltachta. 42 nóiméad isteach sa chlár atá an t-agallamh. Cloch mhíle ag gach leanbh slán a fhágáil leis na clúidíní agus dul ar an bpota den chéad uair. Is é an dála céanna é ag Bláithín agus Oisín sna leabhair ghleoite seo le Bairbre Ní Chuanaigh atá foilsithe ag An Gúm. Tá treoir, tacaíocht agus cairt traenála ar fáil ag an mbeirt seo agus iad ag dul i mbun ealaín nua a fhoghlaim agus a chleachtadh. Is mór an t-údar misnigh
S. Sí – Leabhar an Dalta, Leabhairíní & Úrscéalta Ranga
Chomh maith leis na háiseanna digiteacha atá ar fáil ar www.seideansi.ie tá fáil ar an leathanach seo ar na hábhair seo a leanas: Leabhair an Dalta Leabhairíní agus úrscéalta ranga N. Bheaga
Leabhar álainn é seo ina gcuirtear na focail i láthair an pháiste ar bhealach spraíúil. Tá neart le feiceáil sa bhaile mór! Beimid ag faire amach do na feithiclí móra, ag breathnú sna siopaí agus ag spraoi sa pháirc.
Bhuaigh an saothar seo gradam Buaicshaothar Próis na Bliana ag Oireachtas 2018. ‘Cad ba mhaith leat anois?’ Ní raibh tuairim agam cad a bhí uaim. Conas a bheadh? ‘Imeacht, is dócha,’ arsa mise, mar b’in iad na focail a tháinig amach. ‘Imeacht in áit éigin nach n-aithneofaí mé.’ Tá Lucy ag streachailt leis an saol: a tuismitheoirí, an scoil, a cairde, a smaointe féin fiú. An dtiocfadh léi saol álainn a bheith aici mar atá ag Clúimhín, an cat? Agus dá mbronnfaí saol an chait uirthi, an mbeadh sí sásta leis? Úrscéal tuisceanach, cliste, greannmhar don aos óg ó dhuine
Is Capall Cainte é Brí agus is giolla bocht é Seasta. Socraíonn siad ar imeacht as tír na Calairméine agus saol an sclábhaí a fhágáil ina ndiaidh. Ní fada ar an bhóthar iad go gcastar beirt eile orthu atá ag éalú fosta – an cailín uasal Aravios agus a compánach féin, Capall Cainte eile darb ainm Bhuin. Tiocfaidh an ceathrar seo i gcabhair ar Nairnia in am an éigin agus foghlaimeoidh Seasta nach bhfuil aon dul ón chinniúint. Seo an dara leabhar i sraith cháiliúil Croinicí Nairnia atá aistrithe ag Antain Mac Lochlainn. Tá bailchríoch chomh paiteanta, snasta céanna curtha
Bhí an ghrian go hard sa spéir. Thosaigh na hainmhithe móra ag gearán. ‘Tá an ghrian i bhfad róthe!’ arsa an buabhall uisce. ‘Tá,’ arsa an eilifint. ‘B’fhearr liom é mura n-éireodh sí in aon chor!’ Chuala an ghrian ag caint iad. Shocraigh sí nach n-éireodh sí lá arna mhárach ná an lá ina dhiaidh sin. Stailc! I scéal seo na gréine, agus i scéalta An Eala Órga trí chéile, tugann Gabriel Rosenstock, mar aon lena chomhealaíontóir, Brian Fitzgerald, ar thuras geal i bhfad is i gcéin muid. Seo againn Gúrú na Gaeilge agus é i mbarr a réime. Léigh
Aistriúchán gleoite le hAntain Mac Lochlainn ar shaothar cáiliúil C.S. Lewis. Cuirtear ceathrar páistí amach as Londain i rith an Darga Cogadh Domhanda chun éalú ó na buamaí atá ag titim ar an gcathair. Cuirtear go teach seanduine iad i lár na tuaithe. Nuair a osclaíonn Lucy, an duine is óige, an prios éadaigh, tagann na páistí ar dhomhan iontach a bhfuil draíocht agus eachtraí i ndán dóibh ann.
An uair dheireanach a casadh Tomás Mac Lannchaidh agus a theaghlach orainn in Turas go Meiriceá bhí siad tar éis an t-aistear fada as Éirinn siar go Meiriceá a chur díobh. Bhí idir bhrón is ghliondar ag baint leis an aistear céanna. Anois tá siad réidh le dul i dtír agus saol nua a réiteach dóibh féin san Oileán Úr; tús a chur le haistear cinniúnach eile.
Meaitseáil an focal le pictiúr! Leabhar álainn é seo atá breaclán de dheiseanna foghlama don duine óg ó éirí na gréine go dtí am soip! Beidh an leabhar taitneamhach seo ina áis sa naíonra agus sa bhaile araon.
